У основних школох у шидскей општини будзе виучованя руского язика

автор ртв/зам  фото влдї
1.1k Опатрене

ШИД – Як вчера пренесла програма по руски РТВ, у основних школох у Шидзе обявени резулати анкети о вияшньованю родичох за виучованє мацеринского, односно руского и словацкого язика у матичних и їх подручних школох.

Як гварел помоцнїк директора Основней школи „Сримски фронт” Милан Милич, анкета указала же за виборну наставу на руским язику у тей школи заинтересовани, односно приявени 20 школяре, дзе єден и з першей класи ОШ, а за наставу на словацким язику 21 школяр. 

Помоцнїца директора ОШ „Бранко Радичевич” Вера Дупало гварела же за виучованє руского язика у матичней школи и їх Подручней школи у Бачинцох приявени вєдно 27-еро школяре од першей по осму класу ОШ, преноши РТВ.

Накадзи ресорне министерство одобри формованє ґрупох будзе познате кеди почнє настава, а вязано за наставу по руски, на пондзелок, 25. септембра, основни школи у Шидзе нащивя и представителє Националного совиту Руснацох, дознава Рутенпрес.

ПОВЯЗАНИ ТЕКСТИ