Ютре Хорски фестивал „Карпати”

автор апм
790 Опатрене

ВЕРБАС – На ютре, 2. юния, Културно просвитне дружтво „Карпати” отрима осму по шоре смотру хорох, традицийну манифестацию хтора од окремней значносци за руску националну заєднїцу.

На Фестивалу наступя Хор КПД „Карпати” з Вербасу, Хор Дома култури з Руского Керестура, Хор „Гармония” з Нового Саду и Хор „Русински зарї” зоз Сримскей Митровици.

Традицийно буду наступац и два госцуюци хори – Хор Културного центру Вербас „Бачки шпиваче” и Хор Здруженя сербско-греческого приятельства „Ирида” зоз Сримскей Митровици.

Манифестацию потримали Национални совит рускей националней меншини, Завод за културу войводянских Руснацох, Општина Вербас, Покраїнски секретарият за културу, явне информованє и одношеня з вирскима заєднїцами и Покраїнски секретарият за образованє, предписаня, управу и национални меншини-национални заєднїци.

Фестивал почнє на соботу на 19 годзин у просторийох Дружтва (Нєґошева 21) у Вербаше.

ПОВЯЗАНИ ТЕКСТИ