НОВИ САД – У просторийох Заводу за културу войводянских Руснацох, на ютре, 21. марца на 18 годзин, будзе отримана 13. порядна схадзка Националного совиту (НС) Руснацох.
На дньовим шоре, углавним, поднєшени звити и плани роботи самого НС, алє и установох чий є снователь – Завода за културу войводянских Руснацох, Руского народного театру „Петро Ризнич Дядя” и Новинско-видавательней установи „Руске слово”, та на схадзку поволани и їх представнїки, а єдна з точкох и потвердзованє одлукох Вивершного одбора хтори свою схадзку отримал 16. марца, тиж у просторийох Заводу за културу у Новим Садзе.