РУСКИ КЕРЕСТУР – У голу Основней и штреднєй школи зоз домом школярох „Петро Кузмяк” на ютре, 22. децембра, на 10 годзин почнє традицийни крачунски и новорочни вашар.
Школяре основней и штреднєй школи буду предавац винчованки, прикраски и друге цо сами направели, а назберани пенєж, як и прешли роки, будзе похасновани за даяку гуманитарну акцию.
Будзе отримана и програма, сликованє з Дїдом Мразом, а на Вашар можу присц и родичи и други заинтересовани.
Зоз тим Вашаром, у керестурскей Школи будзе закончене и перше полрочє.