Ясна Медєши нови предсидатель ЗГ „Пакт Рутенорум”

автор яви
4.9k Опатрене

РУСКИ КЕРЕСТУР – На виберанковей скупштини Здруженя гражданох „Пакт Рутенорум”, хтора отримана 10. фебруара у Руским Керестуре, активни члени тей младежскей орґанизациї виберали нове руководство.

01 - jasna medjesi

На Скупштини за предсидателя єдногласно вибрана Ясна Медєши, школярка штвартей класи Ґимназиї „Петро Кузмяк”, за подпредсидателя, тиж єдногласно, вибрани Дарко Папуґа, а у Управним одборе ище буду и Томи Рац, Иван Киш и Андрей Папуґа, шицки зоз Руского Керестура.

Одлуки буду послати  до Аґенциї за привредни реґистри, же би вибрани одвичательни особи були и урядово потвердзени.

Виберанкова скупштина Здруженя гражданох „Пакт Рутенорум” отримана понеже закончени мандат предходного Управного одбору и предсидателя „Пакту” Якима Виная.

ПОВЯЗАНИ ТЕКСТИ