КУЛА – Асфалтованє обиходней драги коло озера Родич почало 8. юлия, а роби ше и на других локалних драгох през Кулу, котри очкодовани у предходним периодзе кед тамаль унапрямени терховни транспорт пре роботи на реґионалней драги през Кулу.
Обиходнїца коло озера будзе цалком прелята з асфалтом по Ґедер, тиж будзе асфалтована и улїца Петефи Шандора, а санирана етапно будзе и драга у улїци Велька Влаховича, од напряму Руского Керестура.
По словох предсидателя Општини Дамяна Милянича, того року ма почац робота и на обиходнїци Багки Бреґ–Наково хтора премесци терховни транспорт зоз центру Кули. Тиж, Општина глєдала до просторного плану Сербиї унєсц и обиходнїцу з напряму Оджаку ґу Кули, и то шицко инфраструктурни транспортни проєкти.