ШИД/БИКИЧ – Фолклорни ансамбл ,,Барвинок” з Камйонки зоз Словацкей вчера нащивел Шид и Бикич и тамтейши нашо дружтва з хторима вецей роки сотрудзує.
До Шиду госци з госцованя у Болгарскей сцигли вчас рано и зоз Шидянями ше дружели по одход до Бикичу.
Вєдно з домашнїма пополадню були на Служби Божей у Бикичу, хтору служели о. Михайло Режак, парох у Шидзе и декан сримски и домашнї парох о. Владимир Еделински Миколка.
Госци у Доме култури на 18 годзин отримали єдногодзинову програму, у хторей шпивали шпиванки зоз свойого краю, указали народни обичаї вязани за косидбу жита и за продукцию и обробок лєну.
Попри „Барвинку”, на програми з двома танцами наступели и младша старша танєчна ґрупа КПД ,,Иван Котляревски” з Бикичу.
