ДЮРДЬОВ – На остатнїм турниру тогорочних 23. Спортских бавискох (СБ) „Яша Баков” у столним тенису, хтори вчера отримани у спортскей сали дюрдьовскей ОШ „Йован Йованович Змай”, змагали ше дзевец екипи з Войводини и Горватскей.
Перше место освоєла екипа КПД „Иван Котляревски” з Бикичу, друге Петровчанє, а треце Миколошевчанє.
Штварте место завжала екипа КПД „Карпати” з Вербасу, пияте перша екипа КУД „Тарас Шевченко” з Дюрдьова, шесте СД „Русин” з Руского Керестура, седме „Папивинґ” з Вербасу, осме друга екипа дюрдьовского КУД и дзевяте место завжала екипа КПД „ДОК” з Коцура.
После змаганя предсидатель и подпредсидатель СБ Звонко Салаґ и Иван Папуґа у дюрдьовскей матки уручели припознаня и медалї побиднїком. Домашнї змаганя у столним тенису було КУД „Тарас Шевченко”.
Понеже то бул остатнї турнир, идуци тидзень у Вербаше плановане отримованє Скупштини Спортских бавискох „Яша Баков”.
