РУСКИ КЕРЕСТУР – Вчера и нєшка ше у Руским Керестуре окончує упис до першей класи Основней школи „Петро Кузмяк”, а уписац ше маю 43-йо школяре хтори закончели обовязну Пририхтуюцу предшколску програму у месним Оддзелєню „Цицибан” ПУ „Бамби” з Кули.
До першей класи ше уписує дзеци народзени од марца 2009. по марец 2010. року, хтори психофизично пририхтани за школу, цо з тестованьом утвердзує педаґоґийна служба Школи.
Число уписаних дзецох оможлїви формованє двох оддзелєньох першей класи, а того року будзе шесцеро першокласнїкох вецей як влонї.