Важни сеґменти нашей традициї

автор фес
1k Опатрене

ДЮРДЬОВ – Пред Фестивалом жридлового шпиваня  „Най ше нє забудзе”, внєдзелю на 17 годзин у Рускей школи отворена вистава „Дакеди було”. Акцент бул на паралелох автентичного руского облєчива зоз сучасну реконструкцию, о хторих бешедовала Любица Отич, музейска совитнїца у Музею Войводини.

Вона медзи иншим гварела же нашо людзе похопели важносц зачувац од забуца важни сеґменти традицийней култури Руснацох у Войводини, та так и облєчива хторе ше од 60-тих рокох прешлого вика престало ношиц. Нєшка ше копиї руского облєчива найчастейше чува по КУД-ох алє, нажаль, вецейраз ше случує же ше воно погришно хаснує.

Як ше дакеди облєкали дзивки, одати, алє и старши жени, пошведочела и Маґда Надь, хтора ушила спомнути шмати у миниятури и указала их на бабкох – моделох. Вона указала и як ше дакеди шило и прикрашовало фитюлу.

02- vistava

ПОВЯЗАНИ ТЕКСТИ