ШИД – Заключно зоз пондзелком, у општини Шид вакциновани 1.239 особи процив вируса корона зоз синофармову вакцину, а вчера ше требали вакциновац ище 90 особи, виявел др Крсто Куреш, директор Дома здравя уШизе.
Вакцинованє ше запровадзує по лїстини гражданох хтори ше приявели на еУправу.
Др Куреш, хтори и главни координатор здравствених службох за миґрантох, гварел и же хвильково у трох прилапююцих центрох єст 1.891 миґрант.
Додава же их вакцинованє за тераз нє планованє, алє ше планує вакцинованє наших державянох хтори заняти у тих центрох, а приявя ше за вакцинованє на еУправу.
На подручу општини єст 30 активни случаї вируса корона цо звекшанє, бо пред даскельома днями було 20 активни случаї.