ШИД/БИКИЧ – Пред одходом на ярнї розпуст, у Предшколскей установи „Єлица Станивукович-Шиля” у Шидзе и єй обєктох у местох, отворени „Вельконоцни вашар”.
Дзеци з помоцу родичох и вихователькох порихтали рижни прикраски з тему Велькей ноци, хтори мож и купиц по символичних ценох, а средства буду вихансовани за ушоренє штредкох дзе дзеци пребуваю.
Подобна вистава отворена и у Основней школи „Сримски фронт”, Одзелєню у Бикичу, до хторей ходза и дзеци у дзецинскей заградки и школяре, та и вони порихтали виставу з нагоди велького швета.
