ПЕТРОВЦИ – У рамикох Манифестациї култури Руснацох у Републики Горватскей „Петровски дзвон” внєдзелю, 7. юния, одбавене и приятельске змаганє у фодбалерох-ветеранох домашнього ФК „Петровци” и ФК „Русин” з Руского Керестура. Керестурци победзели зоз 4:3.
Ґоли за „Петровци” посцигли Славен Мазур, Михайло Голик и Златко Еделински, а за „Русин” два ґоли дал Тихомир Медич и по єден Михайло Штранґар и Денис Югик.
Пред змаганьом шицких привитали член Совиту за национални меншини Републики Горватскей и аниматор култури у Союзу Руснацох Звонко Костелник и предсидателька Союзу Руснацох Горватскей Дубравка Рашлянин.
На друженю по змаганю предсидателє двох фодбалских клубох – петровского Томислав Мудри и керестурского Микола Хрин, вичерали дарунки, обецуюци же таки стретнуца буду предлужени и надалєй.