ВИБЕРАНКИ: РВК потераз преглашела штири лїстини

автор и. сабадош
571 Опатрене

БЕОҐРАД Републична виберанкова комисия (РВК) потераз преглашела штири лїстини за парламентарни виберанки хтори розписани за 26. април.

Перша преглашена лїстина Сербскей напредней странки под назву „Александар Вучич – за нашо дзеци”

Друга по шоре преглашена виберанкова лїстина ИВИЦА ДАЧИЧ – „Социялистична партия Сербиї (СПС), Єдинствена Сербия (ЄС) – Драґан Маркович Палма” хтору придала Коалиция „Социялистична партия Сербиї (СПС), Єдинствена Сербия (ЄС)”. Лїстина ма 250 кандидатох за народних посланїкох, а на перших двох позицийох лидер СПС Ивица Дачич и предсидатель Єдинственей Сербиї Драґан Маркович Палма. Медзи кандидатами находза ше шицки познатши социялисти

Треца лїстина преглашена за парламентарни виберанки „Др ВОЇСЛАВ ШЕШЕЛЬ – СЕРБСКА РАДИКАЛНА СТРАНКA” на хторей 250 кандидати а придала ю Сербска радикална странка (СРС). На першим месце ношитель лїстини предсидатель СРС др Воїслав Шешель, а медзи чолнима кандидатами познати функционере Сербскей радикалней странки зоз шицких уровньох партийней орґанизациї.

Затераз остатня, штварта лїстина хтору РВК преглашела за парламентарни виберанки 26. априла то лїстина Vajdasági Magyar Szövetség” Pásztor István – Союз войводянских Мадярох”  Иштван Пастор. Тота урядово меншинска виберанкова лїстина ма 250 кандидатох, а перши медзи нїма др Балинт Пастор.

Виберанково лїстини за парламентарни виберанки мож придавац по 10. април, а Републична виберанкова комисия длужна обявиц Збирну виберанкову лїстину найпознєйше 15. априла.

ПОВЯЗАНИ ТЕКСТИ