РУСКИ КЕРЕСТУР – Вчера пред вечаром у Руским Керестуре знова падал досц вельки диждж, алє тераз и з моцним витром, хтори по валалє направел чкоди, так же на вецей местох повалял древа, а у хотаре кукурицу и жито.
На єден завод дул барз моцни витор, так же коло пол седмей вечар на керестурским пияцу звалєл древо на єден авто. На щесце, нїхо нє страдал, а авто очкодовани.
Древо з авта склонєне з помоцу дзвигачки и у тим помогнул каменяр Владимир Малацко, а авто ратовали и його ґазда и сушеди.