НОВИ САД – Прешлого тижня вишла нова кнїжка о. проф. др Романа Миза „Священїки дакедишнього осєцкого викарията”, у виданю Парохиї св. апостолох Петра и Павла у Новим Садзе и Друкарнї и видавательней хижи „Максима” з Петроварадину.
Апостолски еґзарх, владики Георгий Джуджар, у своїм слове о тей кнїжки гварел же є вельке доприношенє историї нашей Церкви.
Бешедуюци о тим своїм найновшим дїлу, о. Миз гварел же по азбучним шоре представени священїки през 250 роки, з тим же нєт фотоґрафиї за шицких.
По його словох, ище 1993. року у едициї „Мемориял 250” почало видаванє биоґрафийох священїкох Осєцкого викарияту. У першим виданю вишли два кнїжки -1993. и 1994. року.