НОВИ САД – Тих дньох вишло двочисло часопису МАК, хторому У фокусу резултати онлайн анкети на тему менталного здравя младих, як и розгварка зоз Емилию Чизмар, авторку кнїжки „Мили МАК-у: Best off”, хтора на шлїдуюци тидзень видзе як 22. виданє у МАК-овей едициї.
У фокусу и Иван Буила з Коцура, хтори бешедовал о правеню пива, а у МАК-овим колажу тема любимци.
Русинистика и я и у тим, двочишлє, представя бувших студентох Оддзелєня за русинистику, Швет науки и технолоґиї дава интервю з Филипом Оросом з Керестура о крипто швеце, а МАК-ово 50 роки зоз Алесандром Паланчанином, бувшим редактором часопису МАК.
Праве у юнию МАК наполнєл 50 роки, а з нагоди тей значней рочнїци, на базену у Руским Керестуре 23. юлия будзе отримана програма и журка на хтору поволани шицки хтори сцу преславиц пол вика МАК-у.
На 19 годзин почнє промоция нового зборнїка поезиї и фотоґрафийох хтори видзе у юлию „Ґенерация 3@” и вистава фотоґрафийох Андреи Новак, на 20 годзин квиз, на 21 годзин ше будзе пущац документарни филм „МАК-ово 50 роки”, а на 22 годзин почнє журка и друженє, у орґанизациї Пакту и МАК-у.