ШВЕТ – Вчера учителє и други просвитни роботнїки у швеце означели Шветови дзень учительох, як здогадованє на 5. октобер 1966. року кеди окремна медзивладова конференция прилапела Препоруку о їх статусу, хтора утвердзела права, одвичательносци и медзинародни стандарди за образованє наставнїкох, їх роботни одношеня, условия настави и ученя.
Тота Препорука значно уплївує на промовованє статусу учительох-наставнїкох и у интересу є квалитетного образованя, понеже ше у нєй, медзи иншим, находза и числени препоруки за участвованє наставнїкох у приношеню одлукох у образовно-воспитних системох през консултациї и колективни прегварки з образовнима власцами.
Исти дзень ше означує и прилапйованє Препоруки УНЕСК-а о статусу наставнїкох у универзитетскому образованю 1997. року.
У Сербиї ше дзень просвитних роботнїкох означує 8. новембра.