НОВИ САД – Традицийна промоция „Турийскей колбасияди” у Новим Садзе вчера виволала барз вельке интересованє и гужву, так же на штирох штандох у Дунайскей улїци могло коштовац печену колбасу за 150 динари, швижу купиц за 400, а суху за 600 динари за килу.
Промоция почала на 9 годзин, и мала тирвац до 4 пополадню, медзитим, за нєполни штири годзини попредани коло два и пол тони рижней колбаси, хтору Турийци принєсли за представянє своєй манифестациї.
Тогорочна Колбасияда, 31. по шоре, у Туриї будзе од 27. фебруара по 1. марец, дзе наявене же направя колбасу длугу 2 031 метер, хтору буду предавац на метер.