НОВИ ВЕРБАС – На парохиї Церкви Святого Владимира у Новим Вербаше пондзелок 14. януара, з нагоди нєдавно преславеного Крачуна, 70-ерим дзецом уручени пакецики з дарунками, хтори за нїх порихтали дзеци зоз Нємецкей, Австриї и Швайцарскей.
У Змаєве дзецом грекокатолїком и дзецом римокатолїком уручени 50 пакецики з дарунками.
„Пакецики любови” дзецом возросту од 2 по 14 роки подаровала орґанизация Самаритянє, бо Крачун нагода за дарованє, же би, у мено Христа, гевти цо материялно богатши помогли тим цо материялно худобнєйши.
У рамикох тей гуманитарней акциї о. Иґор Вовк, парох у Новим Вербаше и священїк за грекокатолоїкох и римокатолїкох у Змаєве, закончел курс о значносци гуманитарней роботи, хтори у Новим Садзе орґанизовала Гуманитарна орґанизация „Самаритянє”.