ШИД – Дзеци з окремнима потребами и їх родичи зоз Здруженя ,,Били ангели” з Коцура, внєдзелю нащивели своїх парнякох зоз Здруженя ,,Отворене шерцо” у Шидзе.
По словох пароха о. Михайла Режака, коло дзешецеро дзеци з Коцура и тиж тельо зоз Шиду вєдно з родичами нащивели Лєтню владическу резиденцию, дзе шедзиско Здуженя ,,Отворене шерцо”.
На стретнуцу вєдно рисовали, бавели ше на колїмбачкох у церковней порти, а окрем друженя, то була нагода и за черанку искуствох у роботи двох здруженьох
Домашнї госцох одведли и на кратки вилєт до Батровцох, на маєток Зорана Петровича, котри им обезпечел и полудзенок.