РУСКИ КЕРЕСТУР – Дзеци з керестурского Оддзелєня дзецинскей заградки „Цицибан” ПУ „Бамби” з Кули, вчера нащивели бивательох у керестурским Оддзелєню Дому за старих и пензионерох Кула.
Нащива витворена у рамикох традицийного сотруднїцтва двох установох з нагоди Октобра – Мешаца старших, а на тот завод старих нащивели дзеци з предшколскей ґрупи виховательки Ксениї Вучкович.
Оводарци у кратшей програм рецитовали, шпивали и танцовали, а на концу дзеци бивательом дому подзелєли и мали дарунки, хтори сами пририхтали.
На програми були присутни и заняти у керестурским Оддзелєню Дому за старих, на чолє з роботну терапеуткиню Ясмину Орос.