РУСКИ КЕРЕСТУР – Вирни керестурскей парохиї вчера преславели швето велїкомученїка Георгия-Дзуря, а найшветочнєйше було на Служби Божей у Водици, дзе окончени и обряд пошвецаня младого жита.
Службу Божу у Водици служел парох коцурски о. Владислав Рац, домашнї капелан о. Владимир Медєши споведал, а на Служби було вельке число вирних, понеже то було и перше тогорочне богослуженє у тим нашим Марийовим святилїшу.
У казанї о. Рац здогаднул на импресивне мученїцке шведоченє велького святого Георгия, котри за Христову виру настрадал 303. року од руки цара Диоклецияна, велького прешлїдователя християнох.
Служба Божа закончена з обходом коло церкви, кед служени Молебен до Богородици, а на концу пошвецене младе жито, з молитву за Божу защиту польох и шицких тогорочних урожайох.
