НОВИ САД – Найстарши дньово новини у Войводини на сербским язику „Дневник”, вчера преславел 73. родзени дзень.
– Родзени дзень „Дневнику” повинчовали предсидатель Влади Сербиї Александар Вучич, министерка Кори Удовички и городоначалнїк Нового Саду Милош Вучевич – гварел на пригодней шветочносци главни и одвичательни редактор „Дневнику” Драґан Миливоєвич.
Идуцого мешаца „Дневник” порушує и нови веб-портал, а як гварел директор „Дневник Войводина пресу” Душан Влаович, план осучаснїц змисти и увесц и видео-висти.
Влаович з тей нагоди гварел же идуцого року обчекує и ришованє шицких ище нєришених питаньох коло власнїцкей структури, а на шветочносци з нагоди родзенього дня уручени и рочни награди новинаром з тих новосадских новинох.