КРУЩИЧ – У Крущичу нєшка и ютре будзе манифестация „Днї валалу – днї жита”, хтору шести раз орґанизує Месна заєднїца (МЗ), у сотруднїцтве зоз здруженями з того места и кулскей општини.
Планована богата програма, та нєшка рано будзе змаганє вожачох, на 9,30 г. почнє предавацка вистава роботох здруженьох женох на площи опрез МЗ, на хторей будзе и змаганє у правеню вощини, а ДОД Крущич прикаже свойо превозки и шветочни униформи.
Будзе отримана и роботна схадзка з польопривреднїками и госцами (на 10,30 у сали МЗ) на хторей, попри о безпечносци у транспорту, будзе слова и о можлївосцох хаснованя ИПА фондох за польопривреду, та о сучасним пчоларстве. Потим у сали КУД „Крущич” на 13,30 г. будзе културно-уметнїцка програма.
На 15 г. плановане фодбалске змаганє, у центре валалу на 15,30 г. будзе деґустация паприґашох, а потим народне вешелє.
Ютре на 6 рано почнє змаганє голубкарох, на 7 змаганє рибарох, на 9,30 турнир у малим фодбалє за юниорох (на стадионє ФК „Младосц”), на 11,30 змаганє рибарох, на 14 г. змаганє у вареню паприґашу, а манифестация будзе закончена на 17 г. з фодбалским змаганьом домашнєй „Младосци” и керестурского „Русину”.