ШИД – Пондзелок у Шидзе подписани контракти з представителями седем фамелийох вибеженцох у шидскей општини, котри достаню пакети будовательного материялу.
Найвекша вредносц поєдинєчного пакету по 550 000 динари, за хтори з найвекшей часци средства обезпечел Републични комесарият за вибеженцох и миґрациї, а пейц одсто локална самоуправа.
Будователни материял за адаптованє хижох достали вибеженци з Моровичу, Вишнїчева, Моловину, Соту, Ґибарцу и Шиду, а на подписованю контрактох присуствовал предсидатель Општини Шид Никола Васич.