РУСКИ КЕРЕСТУР – Музично-фолклорни ансамбл Дому култури Руски Керестур од 30. юния по 5. юлий участвовал на другей часци Медзинародного фестивалу „Швет под Кичеру” у Леґници, у Польскей, хтори орґанизує домашнї Фолклорни ансамбл „Кичера”.
На госцованю у Польскей младша ґрупа Виводзацкого танєчного ансамблу танцовала три хореоґрафиї – Дружки на вешелю”, „Строї ше черешень на белаво квитнуц” и „Коломийка”, соло-шпивачки Андреа Бучко и Весна Медєши на шпивали по вецей руски шпиванки, а шицких провадзел Тамбурови оркестер.
Керестурци у рамикох Фестивалу мали седем наступи у Леґници и сушедних местох, а пред скоро шицкима наступами, вєдно з другима учашнїками Фестивалу участвовали у дефилеох. Ансамбли мали и вецей стретнуца з городоначалнїками местох дзе наступали.
Попри нашого зоз Сербиї, на Медзинародним фестивалу „Швет под Кичеру” участвовали и ансамбли з Бразилу, Порторика, Турскей, Тайвану и домашнї, а треба надпомнуц же у першей часци Фестивалу участвовал КУД „Тарас Шевченко” з Дюрдьова.
Интересантне же Дом култури Руски Керестур участвовал и на першим Фестивалу „Швет под Кичеру” у Польскей, а нарок фестивал означи 20 роки отримованя.
