НОВИ САД/ЛЬВОВ – Прешлого пиятку, 4. децембра, до України сцигнул штварти континґент гуманитарней помоци за интерно розселєних и тих цо загрожени од пошлїдкох войни у України, хтору скоро цали 2015. рок витворйовали грекокатолїцка церква (Каритас) и Инициятивна ґрупа гражданох зоз Сербиї.
З парохиї у Новим Садзе, як центру збераня помоци за Бачку, до Львова прешлого тижня послати коло 1,5 тони гуманитарней помоци, найвецей шмати.
Помоц наменєна українским гуманитарним орґанизацийом „Помоц дзецом геройох” и „Кридла надїї” з Львова, а превоз помоци з Нового Саду до України финансийно помогли приватни фирми и добротворе з Львова. Акцент тей штвартей тури на помоци интерно розселєним и дзецом котри пре войну остали без родичох.
Акциї збераня гуманитарней помоци по войводянских парохийох тирвала од априла по юний того року, алє людзе приношели помоц аж по новембер, так же назберани прейґ пейц тони помоци, насапредз шмати, ствари за особну гиґиєну и тирвацши поживово продукти.
У скорейших трох турох помоц зоз скоро шицких грекокатолїцких парохийох у Бачкей и Сриме послата до Ивано Франковска, Києва и Львова.