СРИМСКА МИТРОВИЦА – У просторийох Царскей палати у Сримскей Митровици, 13. и 14. фебруара першираз отримани Медзинародни предавацко туристични еко- етно-фестивал з назву „Звуки, смаки и пахи традициї”, на хторим участвовало и Дружтво Руснацох з того городу.
Фестивал отворел державни секретар у Министарстве за роботу, обезпечованє роботи, борецки и социялни питаня др Ненад Иванишевич, а Фестивал орґанизовали Кластер туристичней микрореґиї городох Сримска Митровица и Биєлїна, з финансийну потримовку ЕУ.
Дружтво Руснацох зоз Сримскей Митровици, як и Здруженє женох з Бикичу, на Фестивалє представели свойо продукти, дзе даєдни були и на предай, а даєдни на коштованє.
Тиж так, Дружтво Руснацох представело и фитюли хтори його члени направели на креативней роботнї. Роботня роби од децембра прешлого року, под руководительством Оливери Делич.
