ДЮРДЬОВ – У нашей парохиї у Дюрдьове 30. марца отримана велькопосна духовна обнова священїкох епархиї св. Миколая, а на тему Синодални ход нашей епархиї. Духовна обнова розпочала зоз Службу Божу Преждеосвящених дарох хтору служел владика кир Георгий Джуджар у сослуженю домашнього о.Михаила Холошняя и бачинского пароха о. Дарка Раца.
Потим коцурски капелан о. Данил Задрепко отримал духовну казань паноцом и владикови. На тему духовней обнови о Синодалним ходу нашей епархиї, звит о ситуациї яка по наших парохийох винєсол керестурски парох о. Владислав Варґа. Попри тим, бачински парох о. Дарко Рац, виложел интерпретацию писма хторе зоз Римскей куриї 19. марца розпослате до шицких владичествох швета, а тиж на тему синодалносци, як потримовка владиком и священїком.
Надалєй була нагода за споведз паноцох, роботна схадзка и заєднїцки полудзенок.
