КУЧЕВО/КОЦУР – Всоботу, 11. юния, КУД „Жатва” першираз участвовало на централней програми 49. Смотри жридловей народней творчосци „Гомольски мотиви” у Кучеве.
На концерту на главней програми фолклораше з Коцура одтанцовали циклус пастирских танцох, за цо их пририхтал Микола Ґубаш.
Попри членох „Жатви”, на „Гомольских мотивох” участвовали и члени коцурского КУД „Завичајно врело”, а участвовали и у дефилеу у хторим, по оцени орґанизаторох, було коло тисяч людзох.
На „Гомольских мотивох” остатнї роки участвую и представителє националних меншинох з Войводини та того року, попри руского з Коцура, були и румунски и словацки ансамбли.
Крем главней програми, односно концерту, Смотра мала и вецей рижни провадзаци програми, як цо то вистави, театрални фалати, представянє старих ремеслох и єдлох.