НОВИ САД – Жатва жита пре високи температури почала скорей, а польопривреднїки застарани бо цена тогорочного роду ище нє позната. Анї єден одкупйовач нє дал урядову цену, а як ше нагадує, жито нє будзе драгше як 16 динари за килограм.
Фаховци гваря же жатва нє почала вельо скорей од оптималного термину и надпоминаю же тота найважнєйша робота у польопривреди будзе у полним розмаху о пейц днї. Кед слово о урожаю, вон задоволююци и будзе коло седем тони по гектаре.
– Урожай будзе добри, алє нє як влонї. Обчекує ше же будзе менши за коло 10-15 одсто, алє можеме буц задовольни – гварел Янко Пап з Польопривредней фаховей служби Нови Сад.
Кед будзе красна хвиля, жатва жита у Войводини будзе закончена за коло седем днї.