БЕОҐРАД – Завод за културу войводянских Руснацох и НВУ „Руске слово” подписали зоз Министерством державней управи и локалней самоуправи Републики Сербиї контракти о додзельованю средствох зоз Буджетского фонду за национални меншини за 2019. рок.
Завод за културу войводянских Руснацох достал 388 тисячи динари за предлуженє длугорочного проєкту диґитализациї склєняних плочох фотоґрафа Будинския з Руского Керестура, а НВУ „Руске слово” 240 тисячи динари за капиталне дїло – пияти том творох Гавриїла Костельника.
Буджетски фонд за национални меншини Републики Сербиї того року розполагал зоз 30 милионами динарами, а проєкти муша буц закончени у першей половки 2020. року.
Спред Заводу контракт подписала директорка Анамария Ранкович, а спред „Руского слова” директор др Борис Варґа.