КОЦУР – У грекокатолїцкей церкви Успения пресвятей Богородици у Коцуре вчера закончена побожносц модлєня Лурдескей дзевятнїци котру вирни модля каждого року.
Предходних рокох коцурски парохиянє през дзевец днї модлєли пацерки и Молебен у церковней сали. Того року, пре епидемиолоґийну ситуацию, вирни ше през тоти днї Лурдескей Мариї модлєли у церкви од 18 годзин, после Вечаршей Служби Божей.
Лурдеску дзевятнїцу ше модлї пред нєзаповеданим шветом Лурдескей Мариї котре пада 11. фебруара. Шицки парохиянє ше теди здогадую на дзень кед ше у Лурду Бернадети указала Мария.
По законченю Лурдескей дзевятнїци, вечарши Служби Божо у грекокатолїцкей церкви у Коцуре ознова буду отримовани на 18 годзин.
