ЖАБЕЛЬ – Реконструкция главней крижней драги Святи Никола у Жаблю ище вше тирва. Законченє роботох и отверанє цалей драги планує ше о мешац.
Попри реконструкциї тей драги, на крижней драги улїци Святого Николи и Змай Йововей улїци положени и семафор котри оможлївює векшу безпечносц гражданох.
Роботи окончело Подприємство „НС еко футура“ доо зоз Катю, а проєкт финансовала Управа за капитални укладаня АП Войводини и Општина Жабель.
Хвильково ше обнавя биоскопску салу за котру локална самоуправа Жабель видвоєла одредзени пенєж и на таки способ гражданом Жаблю, после велїх рокох, обезпечи уживанє у филмских проєкцийох, тетралних фалатох и других културних манифестацийох.