НОВИ САД – Пияток закончени 82. Медзинародни польопривредни саям, а як з тей нагоди гварене на конференциї за пресу – задовольни и викладаче и орґанизаторе, з оглядом же предати велї машини, шицки трактори и витворени велї дїловни контакти.
На тоготочним сайму було коло 107 тисячи нащивительох, цо вецей як влонї, хтори могли видзиц робу и идеї 1 500 викладачох зоз Сербиї и 60 жемох швета. Припознаня и награди за квалитет достали коло трицец фирми и продукователє, а вироятно найщешлївша була Новосадянка Мария Андрич, хтора достала трактор, як главну премию у наградним бависку Новосадского сайма.
Шлїдуюци, 83. Медзинародни польопривредни саям будзе отримани у истим термину, а жем-партнер будзе Италия.