НОВИ САД – Покраїнски секретарият за образованє, предписаня и национални меншини-заєднїци з чечуцей буджетней резерви унапрями 10 милиони динари за финансованє закончуюцих роботох на добудови Економско-тарґовецкей школи у Кули, одлучела Покраїнска влада на вчерайшей схадзки.
Окрем за школу у Кули, Покраїна з два милиони 499 150 динари будзе финансовац роботи на термоизолациї часци обєкту Школи „Стари Ковач Дюла“ у Старей Моравици.
Покраїнскому секретарияту за медзиреґионалне сотруднїцтво и локалну самоуправу опредзелєни милион динари за финансованє манифестацийох и реґионалних стретнуцох у 2016. року, пре запровадзованє нових формох медзиреґионалного сотруднїцтва и активне уключованє младих до програмох порушованя реґионалного розвою, сообщела Покраїнска влада.