КОЦУР – Вчера у Велькей сали Месней заєднїци у Коцуре Фодбалски клуб „Искра” отримал рочну Скупштину, на хторей були коло 40 члени и симпатизере „Искри”.
На Скупштини Микола Русковски з Коцура преглашени за найлєпшого бавяча Клубу у прешлим року, а место дотерашного Здравка Бабича, за нового представителя ФК „Искра” у Медзиопштинскей фодбалскей лиґи вибрани Виктор Ґрешак.
Госц на рочней Скупштини бул делеґат у Медзиопштинскей фодбалскей лиґи Вербас-Жабель-Титель Любомир Пантич з Вербасу, котри похвалєл коцурски Клуб же єдини у вербаскей општини прешли рок закончел без длуствох и у плусу.
На Скупштини прилапени финансийни звит, звит о роботи Клубу у прешлим року, план за 2015. рок, а навявене же пририхтованя за ярню часц першенства починаю нєшка, 31. януара.