БЕОҐРАД – Вчера почало предаванє збиркох задаткох зоз сербского, односно мацеринского язика и математики, як и збирки зоз задатками з биолоґиї, ґеоґрафиї, историї, физики и хемиї за школярох осмих класох основних школох.
Попри на сербским, збирки видруковани и на албанским, мадярским, румунским, руским, словацким и горватским язику, у виданю „Просвитного прегляду”, преноши РТС.
У каждей збирки єст 450 задатки, шицки три вєдно коштаю 670 динари, а на основи тих задаткох школяре осмих класох ше можу пририхтовац за покладанє малей матури.
Школи можу наручиц потребне число прикладнїкох збиркох, а як дознава Рутенпрес, пошвидко, найвироятнєйше идуцого тижня, годно их купиц и у Руским Керестуре, у Кнїжкарнї „Линеа”.