КОЦУР – На рочней Скупштини Месней орґанизациї Здруженя инвалидних и других пензионерох, хтора отримана всоботу, 14. марца у Колошняйовей сали у Коцуре, поведзене же Здруженє концом прешлого року купело хижу дзе убудуце буду його просториї.
Пенєж за купованє хижи Здруженє назберало виключно з донацийох, а хижа, хтора ше находзи на главней улїци у Коцуре, з часци виплацена у пенєжу, а з часци у углю за огриву.
– У тим року Здруженє планує адаптовац и пооправяц просториї и прилагодзиц их за роботу членох Здруженя. Попри тим, и надалєй буду орґанизовани порядни активносци, як цо то набавянє огриви и поживових продуктох за своїх членох и других Коцурцох, нащива нашим хорим членом, рижни вилєти и друженя – гварела предсидателька Здруженя Андя Хромиш.
