ШИД – При Центре за социялну роботу у Шидзе од 1. децембра почал робиц тим за помоц дзецом-миґрантом, а тот проєкт у наступних пейц мешацох финансує УНИЦЕФ.
По словох директорки Центру за социялну роботу Драґани Шинка, 12 фахово особи ше 24 годзин буду старац о дзецох, окреме тих котри пре рижни причини остали роздвоєни од родичох, лєбо родзини. Буду их хранїц и од тарґовини з людзми и старац ше о їх потребох.
Фаховци розпоредзени у прилапююцим центре у бувшим мото-готелу на авто-драги Беоґрад-Заґреб при Адашевцох, як и на пункту на гайзибанскей станїци у Шидзе.