Интензивно ше роби на санациї загрожених часцох городу

автор сен
981 Опатрене

НОВИ САД – Городски штаб за позарядово ситуациї Нового Саду предлужи интензивно робиц же би ше цо скорей нормализовало стан у Новим Садзе и оправело чкоди хтори направели моцни паданя, одлучене вчера на схадзки Штабу.

Штаб будзе робиц у трох зменох, покля ше Нови Сад нє приведзе до стану яки бул пред викендом, цо ше найбаржей одноши на городски улїци. Ище вше найгорша ситуация у Сечаньскей улїци и у Ковилю.

Републични гидрометеоролоґийни завод наявел же ище нєшка мож обчековац слабши диждж, а уж од ютра хвиля будзе вигоднєйша.

Окрем о интензивованю роботи, на схадзки порадзене же ше у шицких обєктох дзе то потребне окончи дезинфекцию и дезинсекцию. Гражданом котрим то потребне най явя до „Циклонизациї“, а тоти котри мали чкоди од дижджу, можу наволац до Сектору за позарядово ситуациї – Огньогасну бриґаду Нови Сад, на число 527-888, лєбо до Городского штабу на 480-7758 и 480-7789.

ПОВЯЗАНИ ТЕКСТИ