НОВИ САД – Вчера на 21. медзинародним Салонє кнїжкох на Новосадским сайме на 14 годзин, на бини, Координацийни одбор дружтвох за язики, литературу и културу представел 21 кнїжку, хтору прешлого року обявели дружтва – члени спомнутого Одбору.
Виданя представели предсидателька Одбору Марина Лучиан, секретарка Ирина Папуґа, а о кнїжкох бешедовали и авторе.
Осем виданя на руским язику представела Ирина Папуґа, а о виданьох бешедовал и Дюра Латяк.
На ютре, 23. априла, на 15 годзин свойо виданя на Салонє представи НВУ „Руске слово”, а на 16 годзин Завод за културу войводянских Руснацох.
Видавательства националних заєднїцох на Салонє представя Покраїнски секретарият за културу и явне информованє.