И далєй отворени поволанки за „Ружу” и „Пупче”

автор м. зазуляк гарди
512 Опатрене

РУСКИ КЕРЕСТУР – Конкурс за нови руски дзецински шпиванки, хтори буду виведзени на тогорочним „Червеним пупчу”, як и Поволанка младим за участвованє на „Червеней ружи”, хтори мали тирвац по 15. април, и далєй отворени, понеже ше ище вше нє зна кеди фестивал будзе отримана.

На Конкурс за „Пупче” мож послац авторски, потераз нєвиводзени шпиванки за дзеци зоз текстом на руским язику, а право участвованя маю шицки заинтересовани зоз жеми и иножемства. Композициї треба же би були записани нотално, лєбо на ношачу звука, а треба приложиц и окреме видруковани текст.

За участвованє на „Червеней ружи” зоз рускима забавнима шпиванками мож ше приявиц у трох катеґорийох − Змаганє за найкрасши дзивоцки и леґиньски глас, Змаганє за найлєпшу авторску композицию (за авторох нєт старосна гранїца) и Змаганє за найлєпши цалосни наступ.

Детальнєйши условия Конкурсу и Поволанки мож пречитац на сайту Дома култури Руски Керестур https://domkultureruskikrstur.com/.

ПОВЯЗАНИ ТЕКСТИ