СУБОТИЦА/РУСКИ КЕРЕСТУР – Каратисти рускокерестурского Русину вчера участвовали на традицийним Медзинародним турнире Супер Енпи куп у Суботици, на хторим ше змагали коло 1 300 каратисти шицких возростох з вецей державох.
За Русин на змаганю наступели 10-еро каратисти, котри ше змагали у борбох и освоєли три медалї.
Перше место у катеґориї кадетох освоєла Анамария Няради, друге у истей катеґориї Марина Надь, а екипно у тей катеґориї Русново каратистки були треци. Попри спомнутих двох, у екипи ше змагали и Мартина Рац и Сара Планчак.
У катеґориї кадетох на змаганю у Суботици участвовали и Кристина Катона и Александар Гарди, у катеґориї пионирох Теодор Няради и Ґлориян Штранґар, у надїйох Анастазия Фаркаш, а у конкуренциї сениорох Деян Кормош.
Каратистох за змаганє пририхтал тренер Михал Орос, а одход на змаганє до Суботици помогли їх родичи.