КУЛА – Основна школа Петро Кузмяк з Руского Керестура була екипно перша спомедзи пейц школох на Општинским змаганю Цо знаш о транспорту, а у поєдинєчних змаганьох на Окружне ше пласовала лєм Елена Шомодї, а од осмерих змагательох з тей школи шесцеро освоєли дипломи. За змаганє их пририхтал наставнїк Зденко Шомодї.
У б катеґориї (до 12 роки) хлапци – треце место подзелєли Звонимир Мудри и Марко Драґутинович, а змагали ше и дзивчата Кристина Сопка и Тияна Сабадош.
У ц катеґориї (13 або вецей роки) хлапци – треце место подзелєли Лука Фа и Алекса Сопка, док при дзивчатох друге место завжала Елена Шомодї, а треце Лана Шомодї.