ВЕРБАС – Дводньова манифестация „Вельки панонски вашар” у орґанизациї Културного центру Вербас отримана пияток и всоботу, 2. и 3. октобра, у Вербаше. На манифестациї пошвеценей народному танцу, шпиванки и народней творчосци ше представели числени културно-уметнїцки дружтва и ансамбли зоз Сербиї и реґиону.
Нащивителє могли уживац у наступох дзецинского, ветеранского и виводзацкого ансамблу Културного центру Вербасу, як и у наступох фолклорних ансамблох КУД „Ветерани” зоз Темишвару, ҐКУД „Сомбор” зоз Зомбору, КУД „Дїдо” зоз Бечею, КУД „П. П. Нєґош” зоз Ловченцу, КУД „Др Младен Стоянович” зоз Младенова и КУД „Бранко Радичевич” зоз Сириґу. Тиж, публики ше представели фолклораше зоз КУД „Коло” зоз Араду, КУД „Кралєвачка ризница” зоз Кралєва, КУД „Димитриє Туцович” зоз Беоґраду и КУД „Слобода” зоз Руменки.
Фолклорну манифестацию, отворел предсидатель општини Вербас Милан Ґлушац привитуюци шицких учашнїкох и нащивительох. Тиж, подзековал Културному центру Вербас и шицким котри участвовали у орґанизациї манифестациї, як и ансамблом котри ше одволали на поволанку.
Як визначели орґанизаторе, таки стретнуца нагода же би ше през танєц, музику и народне облєчиво представело богатство културного нашлїдства, алє и пренєсло традицию на младши ґенерациї.
