ЧЕРВИНКА/РУСКИ КЕРЕСТУР – Дзивчатска и хлапцовска рукометна екипа ОШ „Петро Кузмяк” з Руского Керестура пондзелок, 2. мая, участвовали на Вельконоцним турнире за рукометашох младших катеґорийох у Червинки, хтори орґанизовал тамтейши Рукометни клуб „Лаки”.
На Турнире ше змагала 21 екипа з вецей местох у Бачкей, як и єдна екипа з Биєлїни, з Републики Сербскей, а промотерка змаганя була наша рукометна репрезентативка Злата Паплацко з Руского Керестура, котра на концу шицким екипом подзелєла по рукометну лабду.
Змаганє було ревиялного характеру, а хлапцовска екипа керестурскей Школи два змаганя победзела, єдно одбавела нєришено, а єдно страцела, док дзивчатска екипа єдно змаганє победзела, а три страцела.
Керестурских младих рукометашох, школярох нїзших класох ОШ, за турнир пририхтал тренер Славко Надь.
