СУБОТИЦА – Школярки Основней школи „Петро Кузмяк” з Руского Керестура були найуспишнєйши на Републичним змаганю зоз сербского язика як нємацеринского, хторе прешлого тижня отримане у суботицкей ОШ „20. октобер”.
У конкуренциї седмих класох, од 60 змагательох перше место завжала Мартина Афич, а треце подзелєли Тереза Будински и Мария-Славка Мудри.
У конкуренциї 27 змагательох школярох осмей класи перше место завжала Леонтина Штефанко, а друге место Йована Ноґавица. Попри спомнутих, на Републичним змаганю участвовали и Инес Санкович, школярка седмей и Михаела Еделински з осмей класи, а шицких за змаганє пририхтала наставнїца Мария Балїнт.
Балїнтова гварела же, гоч Керестурци традицийно успишни на тих змаганьох, то заш лєм нєзапаметани резултат за керестурску Школу.