Керестурци ше пласовали на Собор народней творчосци Сербиї

автор апм
961 Опатрене

ВЕРБАС/РУСКИ КЕРЕСТУР – Селекторка 37. Фестивалу фолклорних традицийох Войводини Слободанка Рац з Бачкей Тополї одлучела же на 43. Соборе народней творчосци Сербиї, Войводину буду преставяц и аматере Дому култури Руски Керестур.

Фестивал фолклорних традицийох Войводини од 25. по 27. септембер отримани у Вербаше, а Керестурци ше на державну смотру пласовала з танцом „Вербунґ на Горнїци” Танєчней ґрупи ветеранох, у хореоґрафиї Ґабриєли Саянкович. У танєчней точки участвує и Хлопска шпивацка ґрупа, а провадзи их амбурови оркестер Дому култури, под руководительством Юлияна Рамача Чаму.

Попри Керестурцох, на Собор народней творчосци Сербиї, хтори 17. октобра будзе у Петровцу на Млави, пласовали ше и КУД „Србия” з Кули з приказом танцох з Бачкей, Женска шпивацка ґрупа „Личко оґнїште” КУД „Приґревица” з Приґревици, Женска шпивацка ґрупа КУД „Бранко Радичевич” зоз Старей Пазови и ґайдаш Зоран Белянски зоз Стапару.

ПОВЯЗАНИ ТЕКСТИ